0

پی ٹی آئی نے الیکشن پر ایک اور درخواست دائر کردی، عدالتی نگرانی کا مطالبہ

پاکستان تحریک انصاف (پی ٹی آئی) نے عدلیہ کے زیر نگرانی انتخابات کروانے کے لیے پشاور ہائیکورٹ میں درخواست دائر کردی۔
تحریک انصاف کے وکیل کی جانب سے ضمنی درخواست پشاور ہائیکورٹ میں جمع کرائی گئی۔
پشاور ہائیکورٹ نے الیکشن عدلیہ کی نگرانی میں کروانے کے لیے دائر درخواست سماعت کے لیے مقرر کردی۔
چیف جسٹس ابراہیم خان اور جسٹس شکیل احمد پر مشتمل پشاور ہائیکورٹ کا 2 رکنی بینچ 18 دسمبر کو پی ٹی آئی کی درخواست پر سماعت کرے گا۔

پاکستان تحریک انصاف کے وکیل معظم بٹ ایڈووکیٹ نے عدلیہ کی نگرانی میں الیکشن کے لیے درخواست دائر کر رکھی ہے۔
گزشتہ روز ہونے والی سماعت میں چیف جسٹس پشاور ہائیکورٹ کا کہنا تھا کہ کسی کو الیکشن میں تاخیر کی اجازت نہیں دیں گے، الیکشن کی جو تاریخ مقرر ہے وہی ہوگی نہ ایک دن کم اور نہ ہی ایک دن زیادہ کریں گے۔

ایڈووکیٹ جنرل، ایڈیشنل اٹارنی جنرل، وکیل الیکشن کمیشن اور وکیل درخواست گزار عدالت میں پیش ہوئے تھے۔

اس خبر پر اپنی رائے کا اظہار کریں

اپنا تبصرہ بھیجیں