0

نیدرلینڈ میں الیکشن جیتنے والے اسلام دشمن رکن پارلیمنٹ کی پاکستان کیخلاف ہرزہ سرائی

نیدرلینڈ میں الیکشن جیتنے والے اسلام دشمن رکن پارلیمنٹ گیرٹ ولڈر کی پاکستان کیخلاف ہرزہ سرائی کھل کر سامنے آگئی۔

نیدرلینڈ کے پاپولسٹ سیاست دان گیرٹ ولڈر نے گزشتہ ماہ پارلیمانی الیکشن میں کامیابی حاصل کی تھی، ان کے ماضی اور حال پر نظر ڈالی جائے تو یہ اسلام مخالف پروپیگنڈے میں ہی مصروف دکھائی دیتے ہیں۔

سماجی رابطے کے پلیٹ فارم ”ایکس“ پر پیغام میں گیرٹ ولڈر نے لکھا کہ ڈچ انتخابات جیتنے پر مجھے دنیا بھر سے پیغامات آئے جس پر میں ان تمام دوستوں کا بہت شکریہ ادا کرتا ہوں۔

اپنے پیغام میں گیرٹ ولڈر نے مزید لکھا کہ مجھے بھارت سے بھی بہت سے اچھے پیغامات آئے ہیں۔
پاکستان کےخلاف ہرزہ سرائی کرتے ہوئے اسلام دشمن نیدر لینڈ کے رکن پارلیمنٹ نے کہا کہ میں ہمیشہ ان ہندوؤں کی حمایت کروں گا جن پر بنگلہ دیش اور پاکستان میں صرف ہندو ہونے کی وجہ سے حملہ کیا جاتا ہے یا انھیں قتل کرنے کی دھمکی دی جاتی ہے یا ان پر مقدمہ چلایا جاتا ہے۔

یاد رہے کہ گزشتہ ماہ گیرٹ ولڈر کی کامیابی کے بعد برطانوی اخبار نے لکھا تھا کہ گیرٹ ولڈر کی الیکشن میں کامیابی نے نیدرلینڈ میں مقیم مسلمانوں کو خوف میں مبتلا کردیا ہے۔ اس حوالے محسن کوکتاس نے کہا کہ یہ انتخابی نتائج ڈچ مسلمانوں کے لیے چونکا دینے والے ہیں۔

پارٹی فار فریڈم (پی وی وی) کی سربراہی میں گیرٹ ولڈرنے طویل عرصے سے اسلام کو نشانہ بنایا ہے اور اُسے ایک پسماندہ مذہب کے طور پر بیان کیا ۔

اس خبر پر اپنی رائے کا اظہار کریں

اپنا تبصرہ بھیجیں