0

میکسیکو میں کرسمس پارٹی پر حملہ، 12 افراد جاں بحق

مسلح گروپ نے کرسمس سے پہلے منعقد ہونے والی ایک روایتی پارٹی میں شرکت کرنے والوں پر فائرنگ کردی
میکسیکو کی وسطی ریاست گواناجواٹو میں ایک تقریب پر ہونے والے حملے میں 12 افراد مارے گئے۔

خبر رساں ایجنسی ”روئٹرز“ کے مطابق ایک مسلح گروپ نے کرسمس سے پہلے منعقد ہونے والی ایک روایتی پارٹی میں شرکت کرنے والوں پر فائرنگ کردی۔

اس حوالے سے میکسیکو کے اٹارنی جنرل نے اپنے بیان میں کہا کہ حملوں میں 12 افراد مارے گئے ہیں، تاہم حکام نے مزید کوئی تفصیل جاری نہیں کی۔

روئٹرز کے مطابق ریاست گواناجواٹو بڑی فیکٹریوں کی وجہ سے میکسیکو میں مشہور ہے لیکن حالیہ برسوں میں وہاں پرتشدد کارروائیوں میں اضافہ ہوا ہے۔

اس خبر پر اپنی رائے کا اظہار کریں

اپنا تبصرہ بھیجیں