0

‘دل دل پاکستان’ گانے پر آیوشمان کھرانہ کو جلا وطن کرنے کا مطالبہ

الی ووڈ کے معروف اداکار آیوشمان کھرانہ نے پاکستان کا مشہور زمانہ ملی نغمہ ‘دل دل پاکستان’ گاکر بھارتیوں میں نفرت کی آگ مزید بھڑکا دی۔

سماجی رابطے کی ویب سائٹ ایکس (سابق ٹوئٹر) پر آیوشمان کھرانہ کی ایک ویڈیو وائرل ہورہی ہے جس میں اُنہیں لائیو کنسرٹ کے دوران پاکستان کا زبان زد عام ملی نغمہ ‘دل دل پاکستان’ گاتے ہوئے دیکھا جاسکتا ہے۔

سوشل میڈیا کے مختلف پلیٹ پر وائرل اس ویڈیو کو دیکھ کر بھارتی غصے سے سیخ پا ہوگئے اور بالی ووڈ اداکار آیوشمان کھرانہ پر تنقید کے تیر برسانے لگے۔
ڈاکٹر نویا نامی بھارتی صارف نے ویڈیو پر تنقید کرتے ہوئے کہا کہ “یہ بالی ووڈ اداکار پیسوں کی خاطر کچھ بھی کرتے ہیں، مجھے نہیں معلوم کہ انہیں رام مندر کی تقریب میں کیوں بلایا گیا تھا”۔
ایک بھارتی صارف نے کہا کہ “آیوشمان کھرانہ جیسا دوغلا انسان صرف بالی ووڈ میں ہی مل سکتا ہے، آج اس اداکار نے اپنی ساری عزت کھو دی ہے”۔
سونیا نامی صارف نے مطالبہ کیا کہ “آیوشمان کھرانہ کا بائیکاٹ کریں اور انہیں پاکستان میں رہنے کے لیے جلاوطن کیا جائے”۔
آیوشمان کھرانہ کی وائرل ویڈیو کی حقیقت کیا ہے؟

بھارتی میڈیا کے مطابق آیوشمان کھرانہ کی یہ وائرل ویڈیو دراصل 7 سال پُرانی ہے، یہ ویڈیو 2017 میں دبئی میں ہونے والے کنسرٹ کی ہے جس میں آیوشمان کھرانہ نے بھی پرفارم کیا تھا۔

اس کنسرٹ میں آیوشمان کھرانہ نے بھارت کی مختلف ریاستوں اور علاقوں کے لوگوں کو خراج تحسین پیش کیا تھا اور ساتھ ہی اُنہوں نے اپنے بھائی اپارشکتی کھرانہ کے ہمراہ ’دل دل پاکستان‘ اور ’چک دے انڈیا‘ گانے پر پرفارم بھی کیا تھا۔

اس خبر پر اپنی رائے کا اظہار کریں

اپنا تبصرہ بھیجیں