0

چلی کے سابق صدر ہیلی کاپٹر حادثے میں ہلاک

سانتیا گو: چلی کے دو مرتبہ صدر رہنے والے 74 سالہ سیبسٹین پنیرا ہیلی کاپٹر حادثے میں ہلاک ہوگئے جب کہ ان کے 3 ساتھی شدید زخمی ہیں۔

عالمی خبر رساں کے مطابق چلی کے جنوبی علاقے لوس ریوس میں ایک ہیلی کاپٹر گرکر تباہ ہوگیا جس کے نتیجے میں ایک شخص ہلاک اور 3 شدید زخمی ہوگئے۔ ہلاک اور زخمی ہونے والوں کو قریبی اسپتال منتقل کیا گیا۔

جہاں ہلاک ہونے والے شخص کی شناخت 74 سالہ سیبسٹین پنیرا کے نام سے ہوئی جو چلی کے 2010 سے 2014 اور پھر 2018 سے 2022 تک صدر رہے ہیں۔

تاحال ہیلی کاپٹر حادثے کی وجہ کا تعین نہیں کیا جا سکا تاہم اس علاقے میں مسلسل اور موسلا دھار بارش ہورہی تھی اور غالب امکان ہے کہ ہیلی کاپٹر حادثے کی وجہ بھی موسم کی خرابی ہی ہو۔

چلی کے صدر گیبریل بورک نے ملک میں 3 دن کے قومی سوگ کا اعلان کرتے ہوئے کہا ہے کہ سابق صدر کی تدفین سرکاری سطح پر کی جائے گی۔ جب کہ ہیلی کاپٹر حادثے کی وجہ کے تعین کے لیے انکوائری کمیٹی بھی تشکیل دیدی گئی۔

اس خبر پر اپنی رائے کا اظہار کریں

اپنا تبصرہ بھیجیں